اداکارہ نیلم منیر کی دبئی میں شادی، عروسی لباس اور شوہر کی تفصیلات سامنے آئیں

گزشتہ روز پاکستانی اداکارہ نیلم منیر خان دبئی میں رشتہ ازدواج میں بندھ گئیں، اور ان کی شادی کی تصاویر سوشل میڈیا پر تیزی سے وائرل ہو رہی ہیں۔ اداکارہ نے خود بھی اپنی شادی کی تصاویر شیئر کیں، جس میں ان کا عروسی لباس اور شوہر کی تفصیلات بھی نظر آئیں۔

یوٹیوبر یاسر شامی نے بھی اپنی ویڈیوز میں نیلم منیر کے شوہر کا نام محمد راشد بتاتے ہوئے ان سے متعلق کئی تفصیلات شیئر کی ہیں، جنہیں مداحوں کی جانب سے بڑی پذیرائی ملی۔

نیلم منیر نے اپنی شادی کے دن سفید اور سلور رنگ کے امتزاج سے تیار کیے گئے غرارے پر خوبصورت شرٹ اور ہمرنگ دوپٹہ پہنا تھا، جو ان کے عروسی لباس کا حصہ تھا۔ ان کے شوہر محمد راشد سفید رنگ کے روایتی عربی جبے یا ثوب میں ملبوس تھے۔

اداکارہ کی شیئر کردہ پوسٹ میں ان کے عروسی لباس کو تیار کرنے والے ڈیزائنر، جیولری برانڈ، فوٹوگرافر اور میک اپ سلون کا ذکر بھی کیا گیا۔ پوسٹ کے مطابق، اداکارہ کا عروسی لباس فیشن برانڈ *Baroque* کا تیار کردہ تھا۔ اس برانڈ کی ویب سائٹ پر دی گئی تفصیل کے مطابق، یہ خوبصورت عروسی لباس سفید شیفون فیبرک پر ہینڈ ایمبرائیڈری کے ساتھ تیار کیا گیا ہے، اور اس میں سفید پرلز، بیڈز، اور اسی رنگ کے سیکوئنسیز کا استعمال کیا گیا تھا، جو اس لباس کو اور بھی دلکش بناتا ہے۔

نیلم منیر کے مداحوں نے ان کی شادی کے دن کو بہت پسند کیا اور ان کے عروسی لباس کو بے حد سراہا۔