بھارتی فیسٹیول میں بپھرے ہاتھی کا ہجوم پر حملہ، 17 افراد زخمی

بھارتی ریاست کیرالہ میں ایک فیسٹیول کے دوران بپھرے ہاتھی نے ہجوم میں کھڑے ایک شخص کو اٹھا کر زمین پر پٹخ دیا، جس کے بعد اسے تشویشناک حالت میں اسپتال منتقل کر دیا گیا۔ اس خوفناک واقعے کی ویڈیو سوشل میڈیا پر وائرل ہو گئی ہے۔ حملے کے بعد ہجوم میں بھگدڑ مچ گئی جس کے نتیجے میں 17 افراد زخمی ہوگئے۔ بھارتی میڈیا کے مطابق، متعدد افراد نے دو گھنٹے کی کوششوں کے بعد ہاتھی پر قابو پایا۔ اس واقعے نے فیسٹیول میں جانوروں کے تحفظ اور ان کے ساتھ سلوک پر سوالات اٹھا دیے ہیں۔