یوزویندر چہل اور دھناشری ورما کے درمیان علیحدگی کی افواہیں: اہلیہ نے خاموشی توڑ دی

بھارتی کرکٹر یوزویندر چہل اور ان کی اہلیہ، مشہور ڈانسر دھناشری ورما کے درمیان علیحدگی کی افواہیں اس وقت زور پکڑ گئیں جب دونوں نے ایک دوسرے کو انسٹاگرام پر ان فالو کر دیا اور چہل نے دھناشری کی تصاویر بھی ڈیلیٹ کر دیں۔ تاہم، دھناشری ورما نے ان افواہوں پر خاموشی توڑتے ہوئے اپنے انسٹاگرام پر ایک نوٹ شیئر کیا جس میں انہوں نے اپنی شخصیت اور کردار پر کی جانے والی تنقید پر سخت ردعمل دیا۔ دھناشری نے کہا کہ وہ اپنے نام اور ساکھ کو بنانے کے لیے کئی سالوں سے محنت کر رہی ہیں اور ان کی خاموشی کمزوری کی علامت نہیں بلکہ طاقت کی نشانی ہے۔