اسلام آباد: وزیراعظم محمد شہباز شریف کی زیر صدارت وفاقی کابینہ کا اجلاس منعقد ہوا جس میں 14 آئی پی پیز کے ساتھ نظر ثانی شدہ معاہدوں کی منظوری دی گئی۔اجلاس میں بتایا گیا کہ ان معاہدوں کے تحت آئی پی پیز کے منافع اور لاگت میں 802 ارب روپے کی کمی کی تجویز منظور کی گئی ہے، جبکہ گزشتہ سالوں کے اضافی منافع کی مد میں 35 ارب روپے کی کٹوتی کی جائے گی۔نظر ثانی شدہ معاہدوں کے نفاذ سے حکومت کو مجموعی طور پر 1.4 کھرب روپے کا فائدہ ہوگا، جس کا براہ راست فائدہ صارفین کو پہنچے گا۔وزیراعظم شہباز شریف نے کہا کہ آئی پی پیز کے ساتھ یہ کامیاب معاہدے قومی خزانے کی بچت، گردشی قرضے کے خاتمے اور بجلی کی قیمتوں میں کمی کا باعث بنیں گے۔انہوں نے وزیر توانائی، مشیر توانائی، سیکرٹری توانائی اور اس حوالے سے قائم ٹاسک فورس کے اراکین کی کارکردگی کو سراہا۔اجلاس میں انسداد منشیات ڈویژن کو وزارت داخلہ میں ضم کرنے اور ہوا بازی ڈویژن کو وزارت دفاع میں شامل کرنے کی منظوری بھی دی گئی۔
Leave a Reply