پنجاب کابینہ نے “آسان کاروبار فنانس” اسکیم کی منظوری دے دی

لاہور: وزیر اعلیٰ پنجاب مریم نواز شریف کی زیر صدارت آج صوبائی کابینہ کا اجلاس منعقد ہوا، جس میں کئی اہم فیصلے کیے گئے۔اجلاس کے دوران پنجاب بھر میں تمام گاڑیوں کی رجسٹریشن مہم شروع کرنے کا فیصلہ کیا گیا اور موٹر سائیکلوں کی رفتار کو 60 کلومیٹر فی گھنٹہ تک محدود کرنے کی منظوری دی گئی۔اجلاس میں پنجاب کی تاریخ کی پہلی “پنجاب آسان کاروبار فنانس” اسکیم متعارف کرانے کی منظوری بھی دی گئی۔وزیر اعلیٰ نے پنجاب بھر میں الیکٹرک گاڑیوں کے لیے چارجنگ اسٹیشنز قائم کرنے کی ہدایت کی اور ایک جامع الیکٹرک وہیکل پالیسی بنانے کا حکم دیا۔کسان کارڈز کی تعداد میں 500,000 سے بڑھا کر 750,000 کرنے اور ان کے لیے کیش حد میں 30 فیصد اضافے کی بھی منظوری دی گئی۔