خیبر ضلع کے علاقے تیراہ میں سیکورٹی فورسز کا خفیہ آپریشن، 5 دہشت گرد ہلاک

راولپنڈی: آج 17 جنوری خیبر ضلع کے علاقے تیراہ میں سیکورٹی فورسز کا خفیہ اطلاعات پر مبنی آپریشن ۔آپریشن کے دوران فورسز نے دہشت گردوں کے ٹھکانے کو مؤثر انداز میں نشانہ بنایا، جس کے نتیجے میں 5 دہشت گرد، جن میں ان کا سرغنہ عابداللہ عرف توراب بھی شامل تھا، ہلاک کر دیے گئے، جبکہ ایک دہشت گرد کو گرفتار کر لیا گیا۔دہشت گردوں سے اسلحہ اور گولہ بارود بھی برآمد کیا گیا۔ ہلاک ہونے والے دہشت گرد علاقے میں سیکورٹی فورسز پر حملوں اور معصوم شہریوں کے قتل جیسے متعدد دہشت گردانہ کارروائیوں میں ملوث تھے۔سیکورٹی فورسز علاقے میں کسی بھی باقی دہشت گرد کے خاتمے کے لیے صفائی آپریشن جاری رکھے ہوئے ہیں۔پاکستان کی سیکورٹی فورسز دہشت گردی کے ناسور کو جڑ سے اکھاڑنے کے لیے پرعزم ہیں۔