اوورسیز پاکستانیوں کے ووٹ کا حق ‘سپریم کورٹ کا جلد فیصلہ کرنیکا اعلان

اسلام آباد: سپریم کورٹ نے یقین دلایا ہے کہ اوورسیز پاکستانیوں کے ووٹ کے حق کے مقدمے کا فیصلہ آئندہ عام انتخابات سے قبل کیا جائے گا۔ایک آئینی بینچ، جس کی سربراہی جسٹس امین الدین خان کر رہے ہیں، نے کیس کی سماعت کی، جس میں عوامی مسلم لیگ کے سربراہ شیخ رشید احمد بھی موجود تھے۔شیخ رشید کے وکیل نے دوران سماعت اوورسیز پاکستانیوں کو ووٹ کا حق دینے کی اہمیت پر زور دیا۔ اس موقع پر جسٹس جمال مندوخیل نے یقین دلایا کہ وقت کی کمی کے باوجود یہ معاملہ انتخابات سے پہلے حل کر لیا جائے گا۔عدالت نے کیس کی آئندہ سماعت دو ہفتوں بعد مقرر کرتے ہوئے اجلاس ملتوی کر دیا۔