جی ایچ کیو حملہ کیس، ملزمان عدالت میں پیش‘مزید 4 گواہان کے بیان قلمبند

راولپنڈی:9 مئی جی ایچ کیو حملہ کیس کی سماعت اڈیالہ جیل میں انسداد دہشت گردی عدالت (اے ٹی سی) راولپنڈی میں ہوئی، جس کی صدارت جج امجد علی شاہ نے کی۔ سماعت کے دوران بانی پی ٹی آئی اور دیگر ملزمان کو عدالت میں پیش کیا گیا۔پراسیکیوشن کے مزید 4 گواہان نے اپنے بیانات قلمبند کرائے، جن میں اے ایس آئی شہزاد، ہیڈ کانسٹیبل عمران اختر، کانسٹیبل زبیر صدیقی اور انوار شامل ہیں۔ اب تک مقدمے میں مجموعی طور پر 9 گواہان کے بیانات ریکارڈ کیے جا چکے ہیں۔عدالت نے بانی پی ٹی آئی، شیریں مزاری، اور دیگر ملزمان کی بریت کی درخواستوں پر سماعت کے لیے 25 جنوری کو دلائل طلب کر لیے ہیں۔