اسپیکر کی پی ٹی آئی کو مذاکرات کی دعوت ، تحریک انصاف کا شرکت سے انکار

اسلام آباد: قومی اسمبلی کے اسپیکر سردار ایاز صادق نے مذاکراتی کمیٹیوں کا اجلاس 28 جنوری 2025 کو طلب کر لیا ہے۔ یہ مذاکراتی کمیٹی کا چوتھا اجلاس ہوگا۔ اجلاس صبح 11:45 بجے پارلیمنٹ ہاؤس میں ہوگا اور یہ ان کیمرہ ہوگا۔اجلاس کی صدارت قومی اسمبلی کے اسپیکر سردار ایاز صادق کریں گے۔
دوسری جانب، پی ٹی آئی کے چیئرمین بیرسٹر گوہر نے مذاکرات میں شرکت سے انکار کر دیا ہے۔ بیرسٹر گوہر نے کہا ہے کہ پی ٹی آئی آئندہ کسی بھی مذاکراتی اجلاس میں شریک نہیں ہوگی اور 28 جنوری کو ہونے والے مذاکراتی اجلاس میں بھی شرکت نہیں کرے گی۔