صوبائی حکومت عوامی مسائل کے حل میں سنجیدہ نہیں، فیصل کریم کنڈی

پشاور: گورنر خیبر پختونخوا فیصل کریم کنڈی نے کہا ہے کہ صوبائی حکومت عوامی مسائل کے حل میں سنجیدہ نہیں۔۔ پشاور میں میڈیا سے گفتگو کرتے ہوئے انہوں نے کہا کہ صوبے میں عوامی مسائل کے حل پر کوئی توجہ نہیں دی جا رہی ہے۔وفاق پر چڑھائی کو حق سمجھنے والے اساتذہ اور بلدیاتی نمائندوں کو حقوق دینے سے انکاری ہیں۔ گورنر فیصل کریم کنڈی نے کہا کہ وزیراعلیٰ خیبر پختونخوا وفاق سے این ایف سی کی مد میں تیرہ سال میں ملنے والے اربوں روپے کا حساب دیں۔