وزیرِاعظم سے سنوکر چیمپئن محمد آصف کی ملاقات، 25 لاکھ روپے انعام کا اعلان

اسلام آباد: وزیرِاعظم محمد شہباز شریف سے عالمی شہرت یافتہ سنوکر کھلاڑی محمد آصف نے ملاقات کی۔ وزیرِاعظم نے محمد آصف کو سری لنکا میں حالیہ سارک سنوکر چیمپیئن شپ جیتنے پر مبارکباد دی اور انہیں 25 لاکھ روپے کا انعامی چیک پیش کیا۔وزیرِاعظم نے محمد آصف کی غیرمعمولی کامیابیوں کو سراہتے ہوئے کہا، “تین مرتبہ ورلڈ ایمیچئیور سنوکر چیمپیئن شپ اور تین مرتبہ سارک سنوکر چیمپیئن شپ جیت کر آپ نے دنیا بھر میں اپنی صلاحیتوں کا لوہا منوایا اور پاکستان کا نام روشن کیا۔ پوری قوم کو آپ پر فخر ہے۔”محمد آصف نے اپنی کامیابی کو قوم کے لیے وقف کرتے ہوئے وزیرِاعظم کا شکریہ ادا کیا اور حکومتی سرپرستی کو کھیلوں کی ترقی کے لیے اہم قرار دیا۔