انگولا، جمیکا، لکسمبرگ، یوراگوئے اور مالٹا کے سفیروں نے صدر آصف علی زرداری کو اپنے سفارتی اسناد پیش کردیں

اسلام آباد: انگولا، جمیکا، لکسمبرگ، یوراگوئے اور مالٹا کے غیر مقیم سفیروں نے آج ایوانِ صدر میں ایک تقریب کے دوران صدر آصف علی زرداری کو اپنے سفارتی اسناد پیش کیں۔ صدر نے انگولا کے نامزد سفیر مسٹر جولیئو بیلارمینوں گومیز مائیتو، جمیکا کے نامزد سفیر مسٹر آرتھر ولیمز، گریٹ ڈچ آف لکسمبرگ کے نامزد سفیر مسٹر رولینڈ ریلینڈ، یوراگوئے کے نامزد سفیر مسٹر بیریلڈو روکے نکولا فلانیگن، اور مالٹا کے نامزد ہائی کمشنر مسٹر ریمونڈ بانڈن سے اسناد وصول کیں۔سفیروں کا استقبال کرتے ہوئے صدر نے ان کی تقرری پر انہیں مبارکباد دی اور اُمید ظاہر کی کہ وہ پاکستان کے ساتھ تجارت، معیشت، سرمایہ کاری، ثقافت اور عوامی سطح پر روابط کے شعبوں میں دوطرفہ تعلقات کو مزید مستحکم کرنے میں اپنا کردار ادا کریں گے۔اس سے قبل، سفیروں کو ایوانِ صدر پہنچنے پر پاکستان مسلح افواج کے دستے کی جانب سے گارڈ آف آنر پیش کیا گیا۔