ملک بھر میں ایک ہفتے کے دوران 11 اشیاء مہنگی، 16 سستی ،24 کی قیمتیں مستحکم

اسلام آباد: ملک میں ایک ہفتے کے دوران مہنگائی 0.27 فیصد بڑھ گئی جبکہ سالانہ بنیادوں پر مہنگائی بڑھنے کی مجموعی شرح 1.21 فیصد ریکارڈ کی گئی۔ادارہ شماریات نے ہفتہ وار بنیادوں پر مہنگائی سے متعلق رپورٹ جاری کردی جس کے مطابق گزشتہ ہفتے 11 اشیاء مہنگی،16 کی قیمتوں میں کمی ریکارڈ کی گئی جبکہ بریڈ،خشک دودھ سمیت 24 اشیاء کی قیمتوں میں استحکام رہا۔رپورٹ کے مطابق ایک ہفتے میں انڈے فی درجن 20 روپے تک مہنگے ہو گئے،زندہ مرغی بھی فی کلو 20 روپے مہنگی ہوئی،لہسن کی فی کلو قیمت میں 8 روپے،چینی کی فی کلو قیمت میں مزید ایک روپے تک کا اضافہ ریکارڈ کیا گیا۔گزشتہ ہفتے ٹماٹر فی کلو 1 روپے 58 پیسے ،پیاز فی کلو ایک روپے تک سستے ہوئے،دال چنا کی فی کلو قیمت میں 4 روپے ،دال ماش کی فی کلو قیمت میں 3 روپے تک کی کمی ہوئی،ایک ہفتے میں ایل پی جی کا گھریلو سلنڈر 18 روپے تک سستا ہوا۔