پاکستان اور سعودی عرب کے تجارتی تعلقات نئی بلندیوں کو پہنچ گئے

اسلام آباد: خصوصی سرمایہ کاری سہولت کونسل (SIFC) کا اہم کردار کی بدولت پاکستان اور سعودی عرب کے تجارتی تعلقات نئی بلندیوں پر پہنچ چکے ہیں۔ پاکستان کی سعودی عرب کو برآمدات میں 22 فیصد کا اضافہ ہوا ہے، جب کہ تجارتی حجم 546 ملین ڈالر سے بڑھ کر 700 ملین ڈالر تک پہنچ گیا ہے۔ سعودی سرمایہ کاروں نے پاکستان کے توانائی، زراعت، آئی ٹی اور تعمیراتی شعبوں میں سرمایہ کاری میں گہری دلچسپی ظاہر کی ہے۔آئی ٹی خدمات کی سعودی عرب کو برآمدات کا ہدف 50 ملین ڈالر سے بڑھا کر 100 ملین ڈالر کر دیا گیا ہے۔ سعودی عرب نے پاکستانی آئی ٹی کمپنیوں کے اندراج کے عمل کو آسان بنانے کے لیے ایک ہیلپ ڈیسک قائم کیا ہے۔سعودی عرب کی مشہور فوڈ چین “البیک” نے بھی پاکستان میں اپنے شاخیں کھولنے کا اعلان کیا ہے۔