پنجاب حکومت نے کرپشن کے تمام ریکارڈ توڑ دیئے، بیرسٹر سیف

پشاور: خیبر پختونخوا کے مشیر اطلاعات بیرسٹر سیف نے کہا ہے کہ پنجاب حکومت نے کرپشن کے تمام ریکارڈ توڑ دیئے ہیں۔خیبر پختونخوا کے مشیر اطلاعات بیرسٹر سیف نے اپنے ایک بیان میں کہا کہ پنجاب میں کوئی بھی منصوبہ کرپشن سے پاک نہیں ہے۔ اور ریڑھی منصوبے میں قومی خزانے کو 5 کروڑ روپے نقصان پہنچانے کی اطلاعات ہیں۔انہوں نے کہا کہ پنجاب میں ماڈل ریڑھی منصوبے کے ٹھیکے من پسند افراد کو نوازنے کی بھی اطلاعات ہیں۔بیرسٹر سیف نے کہا کہ پنجاب حکومت نے گزشتہ ایک سال میں کرپشن کے سارے ریکارڈ توڑ دیئے ہیں۔ اور قومی خزانے کو دونوں ہاتھوں سے لوٹا جا رہا ہے۔