موڈیز نے پاکستان کا بینکنگ سسٹم آؤٹ لک مستحکم سے مثبت کر دیا

اسلام آباد: موڈیز نے پاکستان کا بینکنگ سسٹم آؤٹ لک مستحکم سے مثبت قرار دے دیا۔انٹرنیشنل ریٹنگ ایجنسیکی رپورٹ کے مطابق بہتر آپریٹنگ ماحول کے باعث آؤٹ لک مثبت کیا گیا، موڈیز کے مطابق مثبت آؤٹ لک اس بات کی نشاندہی کرتا ہے کہ معیشت میں کچھ استحکام آیا ہے۔رپورٹ میں کہا گیا کہ پاکستانی بینکوں کی کارکردگی ماضی کے مقابلے میں بہتر رہی، قرضوں کی پائیداری اور بیرونی مالی ادائیگیاں اب بھی بڑے معاشی چیلنجز ہیں۔رواں مالی سال پاکستان کی معاشی نمو 3 فیصد رہنے کی توقع ظاہر کی گئی ہے، گزشتہ مالی سال پاکستانی معاشی نمو 2.50 فیصد تھی۔