خیبرپختونخوا حکومت کا اگلے مالی سال میں ترقیاتی پروگرامز کا حجم 33 ارب رکھنے کا فیصلہ

پشاور: خیبرپختونخوا حکومت نے اگلے مالی سال میں ترقیاتی پروگرامز کا حجم 33 ارب رکھنے کا فیصلہ کر لیا۔وزیر اعلیٰ خیبرپختونخوا علی امین گنڈا پور کی زیر صدارت کابینہ اجلاس میں اس کی منظوری دے دی گئی، محکمہ اطلاعات کے مطابق اجلاس میں خیبر پختونخوا مائنز اینڈ منرلز ایکٹ میں ترامیم کی منظوری بھی دی گئی۔کابینہ اجلاس میں آرٹسٹ ویلفیئر اینڈوومنٹ فنڈ کیلئے 5 کروڑ روپے جاری کرنے اور فاٹا یونیورسٹی کیلئے ایک کروڑ 40 لاکھ روپے فنڈ کی منظوری بھی دی گئی۔محکمہ اطلاعات خیبرپختونخوا نے کہا ہے کہ فیملی ویلفیئر اسسٹنٹس کے لئے ٹریول الاؤنس 3000 روپے کرنے کی منظوری بھی دے دی ہے۔