وزیراعظم سے جماعت اسلامی کے وفد کی ملاقات، غزہ سمیت ملکی امور پر تبادلہ خیال

اسلام آباد: وزیراعظم شہباز شریف سے حافظ نعیم الرحمان کی قیادت میں جماعت ااسلامی کے وفد نے ملاقات کی۔وزیراعظم شہباز شریف سے امیر جماعت اسلامی حافظ نعیم الرحمان کی قیادت میں ملاقات کرنے والے تین رکنی وفد میں لیاقت بلوچ، آصف لقمان قاضی شامل تھے۔ملاقات میں دونوں رہنماؤں نے غزہ میں نہتے فلسطینیوں پر اسرائیل کی بلا اشتعال بمباری اور ظلم و ستم پر بین الاقوامی قوتوں کی خاموشی پر تشویش کا اظہار کیا۔شہباز شریف نے غزہ کے نہتے فلسطینیوں پر جاری صہیونی ظلم و جبر کے خلاف ہر بین الاقوامی فورم پر آواز اٹھانے اور پاکستان کی حمایت جاری رکھنے کے عزم کا اعادہ کرتے ہوئے کہا کہ صہیونی ظلم و جبر کے شکار نہتے فلسطینی بہن بھائیوں کی حمایت کے حوالے سے پاکستان کا مؤقف واضح ہے۔امیر جماعت اسلامی حافظ نعیم الرحمان نے بجلی کی قیمتوں میں حالیہ کمی پر وزیرِاعظم کا شکریہ ادا کیا۔ان کا کہنا تھا کہ حکومتی ٹیم توانائی کے شعبے میں طویل مدتی اصلاحات لانے کے لیے دن رات محنت کررہی ہے، توانائی کے شعبے میں مزید اصلاحات عام آدمی کی زندگی میں آسانی کو مد نظر رکھتے ہوئے تشکیل دی جا رہی ہیں۔وزیراعظم کا مزید کہنا تھا کہ مشکلات کے باوجود عوامی ریلیف کو اولین ترجیح دی اور یہ مشن جاری رکھیں گے، انشااللہ پاکستان کی ترقی کا سفر جاری رہے گا۔خیال رہے ملاقات میں نائب وزیراعظم و وزیر خارجہ اسحاق ڈار، وفاقی وزیر اطلاعات و نشریات عطا اللہ تارڑ بھی شریک تھے۔