کشیدگی میں کمی کیلئے پاکستان، بھارت کے کسی بھی اقدام کی حمایت کریں گے: اقوام متحدہ

نیویارک:اقوام متحدہ نے کہا ہے کہ کشیدگی میں کمی کیلئے پاکستان ،بھارت کیلئے قابل قبول کسی بھی اقدام کی حمایت کریں گے۔اقوام متحدہ کے سیکرٹری جنرل انتونیو گوتریس نے پاک بھارت کشیدگی پر ردعمل میں کہا کہ ہراس اقدام کی حمایت کریں گے جس سے پاک بھارت تناؤ میں کمی اور بات چیت دوبارہ شروع ہو۔سیکرٹری جنرل انتونیو گوتریس نے کہا کہ مشکل ترین مسائل بھی معنی خیز اور مثبت بات چیت سے حل کئے جاسکتے ہیں، کشیدگی کو روکنے کیلئے دونوں ممالک انتہائی تحمل سے کام لیں۔