صدر ، وزیراعظم اور آرمی چیف کی شہید اسکواڈرن لیڈر عثمان یوسف کے گھر آمد

اسلام آباد: صدر آصف زرداری ، وزیراعظم شہباز شریف اور آرمی چیف جنرل عاصم منیر آپریشن معرکہ حق کے دوران شہید ہونے والے اسکواڈرن لیڈر عثمان یوسف شہید کے گھر پہنچ گئے۔وزیراعظم شہباز شریف آرمی چیف کے ہمراہ شہید عثمان یوسف کے گھر گئے جہاں انہوں نے شہید کے اہلِ خانہ سے ملاقات کی اور شہید کے درجات کی بلندی کیلئے دعا کی۔وزیراعظم نے اسکواڈرن لیڈر عثمان یوسف شہید کے عزم اور فرض شناسی کو سراہا۔ اس موقع پر وزیر دفاع خواجہ محمد آصف اور وفاقی وزیراطلاعات عطاء اللہ تارڑ بھی ان کے ہمراہ تھے۔دوسری جانب صدر مملکت آصف زرداری بھی عثمان یوسف شہید کے گھر پہنچے اور لواحقین سے اظہار تعزیت کیا۔علاوہ ازیں وزیر اعظم اور آرمی چیف نے سی ایم ایچ راولپنڈی کا دورہ کرکے زخمی جوانوں اور شہریوں کی خیریت دریافت کی ، دونوں رہنمائوں نے زخمی جوانوں کی معرکہ حق میں بہادری اور فرض شناسی کو سراہا۔