عمران خان نے آج پھر پولی گرافک ٹیسٹ کروانے سے انکار کر دیا: تفتیشی ٹیم اڈیالہ جیل سے واپس روانہ

راولپنڈی: بانی پی ٹی آئی عمران خان نے آج پھر پولی گرافک (جھوٹ پکڑنے والا)ٹیسٹ کرانے سے انکار کر دیا۔لاہور پولیس کی تفتیشی ٹیم اڈیالہ جیل سے واپس روانہ ہو گئی۔اس سے قبل بانی پی ٹی آئی عمران خان سے پولی گرافک ٹیسٹ کےلیے لاہور پولیس کی تفتیشی ٹیم آج پھر اڈیالہ جیل آئی تھی۔تفتیشی ٹیم اڈیالہ جیل کے گیٹ نمبر 5 سے جیل کے اندر روانہ ہوئی تھی۔ جیل ذرائع کے مطابق بانی پی ٹی آئی کا 9 مئی کے کیسز میں پولی گرافک ٹیسٹ ہونا ہے۔واضح رہے کہ گزشتہ روز بانی پی ٹی آئی عمران خان نے وکلاء کی غیر موجودگی میں پولی گراف ٹیسٹ کروانے سے انکار کردیا تھا۔ذرائع کا کہنا تھا کہ جیل عملہ بانی پی ٹی آئی کو سیل میں بلانے کےلیے گیا لیکن وہ نہیں آئے۔