امریکی سفارتکار کی بلاول بھٹو ز سے زرداری ہاؤس میں ملاقات‘باہمی تعاون پر تبادلہ خیال

اسلام آباد: پاکستان پیپلز پارٹی کے چیئرمین بلاول بھٹو زرداری سے امریکا کی ناظم الامور برائے پاکستان، محترمہ نیٹالی بیکر (Natalie Baker) نے زرداری ہاؤس اسلام آباد میں ملاقات کی۔ملاقات میں پاکستان اور امریکا کے درمیان دو طرفہ تعلقات کو مضبوط بنانے اور باہمی تعاون کو مزید وسعت دینے پر تبادلہ خیال کیا گیا۔اس موقع پر چیئرمین بلاول بھٹو زرداری نے حالیہ جنگ بندی معاہدے میں سابق امریکی صدر ڈونلڈ ٹرمپ کے کردار کو سراہا اور اسے علاقائی امن کے لیے تعمیری اور قابلِ تحسین قرار دیا۔بلاول بھٹو زرداری نے پاکستان اور امریکا کے درمیان تجارت اور اقتصادی تعاون بڑھانے کی خواہش کا اظہار کرتے ہوئے کہا کہ مضبوط تجارتی تعلقات خطے میں استحکام اور مشترکہ خوشحالی کے لیے ناگزیر ہیں۔انہوں نے مزید کہا کہ پاکستان علاقائی تنازعات کے حل کے لیے بات چیت اور سفارتی ذرائع کو ترجیح دینے کے امریکی مؤقف کی حمایت کرتا ہے اور ان کوششوں میں امریکا کے شانہ بشانہ کھڑا ہے۔ملاقات خوشگوار ماحول میں ہوئی، جس میں دونوں فریقین نے باہمی دلچسپی کے امور پر مسلسل رابطے اور تعاون جاری رکھنے کے عزم کا اعادہ کیا۔