چین کے کیمیکل پلانٹ میں دھماکہ: 5 ہلاک، 19 زخمی، 6 لاپتہ

بیجنگ: چین کے مشرقی صوبے شندونگ میں واقع ایک کیمیکل پلانٹ میں زوردار دھماکے کے نتیجے میں پانچ افراد جاں بحق، 19 زخمی جبکہ چھ افراد لاپتہ ہو گئے ہیں۔چینی سرکاری خبر رساں ایجنسی کے مطابق دھماکہ اتنا شدید تھا کہ قریبی عمارتوں کی کھڑکیاں اور شیشے چکناچور ہو گئے۔ دھماکے کے بعد ریسکیو ٹیمیں فوری طور پر موقع پر پہنچ گئیں اور امدادی کارروائیاں شروع کر دی گئیں۔حکام کے مطابق زخمیوں کو قریبی اسپتالوں میں منتقل کر دیا گیا ہے جبکہ لاپتہ افراد کی تلاش جاری ہے۔ حکام نے کہا ہے کہ پلانٹ میں موجود دیگر مواد کو محفوظ بنانے کی کوششیں کی جا رہی ہیں تاکہ مزید کوئی حادثہ پیش نہ آئے-