نیب کا بحریہ ٹائون کی جائیدادیں نیلام کرنے کا اعلان

اسلام آباد: قومی احتساب آرڈیننس 1999 سیکشن 33 ای کے تحت بحریہ ٹاؤن کی جائیدادوں کی نیلامی ہو گی۔نیب نے کہا ہے کہ 12 جون صبح 11 بجے بحریہ ٹائون کی جائیدادوں کی نیلامی نیب ریجنل اسلام آباد میں ہو گی، نیلام ہونے والی جائیدادوں میں بحریہ ٹاؤن کارپوریٹ آفس پارک روڈ ، پلاٹ 7 ای بحریہ ٹاؤن فیز ٹو شامل ہیں۔اس کے علاوہ بحریہ ٹائون کارپوریٹ آفس ٹو پلاٹ نمبر 7 ڈی پارک روڈ بحریہ ٹاؤن فیز ٹو راولپنڈی ، روبیش مارکی اور لان بحریہ گارڈن سٹی نزد بحریہ گارڈن سٹی گالف کورس اسلام آباد کی بھی نیلامی کی جائے گی۔نیب نے بتایا کہ ارینہ سینما پلاٹ نمبر 984 بورڈ اے بحریہ ٹائون فیز فور راولپنڈی ، سفاری کلب پلاٹ نمبر 27 سفاری ولاز ون بحریہ ٹائون راولپنڈی بھی نیلامی میں شامل ہیں، خریداری میں دلچسپی لینے والوں کیلئے ریجنل نیب آفس میں بریفنگ کا اہتمام بھی کیا جائے گا۔