چین کا ایران پر اسرائیلی حملوں پر گہری تشویش کا اظہار، خطے میں امن کی اپیل کردی

بیجنگ: چین نے ایران پر اسرائیل کے حملوں پر گہری تشویش کا اظہار کیا ہے اور اس آپریشن کے ممکنہ سنگین نتائج سے خبردار کیا ہے۔ چینی وزارت خارجہ کے ترجمان لن جیان نے کہا کہ چین ایران کی خودمختاری، سلامتی اور علاقائی سالمیت کیخلاف اقدامات اور تناؤ کو بڑھانے والے اقدامات کی مخالفت کرتا ہے۔ انہوں نے کہا کہ خطے میں اچانک کشیدگی کسی کے مفاد میں نہیں ہے۔ چین نے متعلقہ فریقین سے اپیل کی کہ وہ خطے میں امن و استحکام کے لیے اقدامات کریں اور مزید کشیدگی سے گریز کریں۔ چین نے صورتحال کو بہتر بنانے میں تعمیری کردار ادا کرنے کی پیشکش بھی کی ہے۔