صدر زرداری سے سعودی سفیر نواف بن سعید المالکی کی ملاقات‘دوطرفہ تعلقات پر گفتگو

اسلام آباد:صدرِ مملکت آصف علی زرداری سے سعودی سفیر نواف بن سعید المالکی کی ایوان صدر میں ملاقات کی ہے ۔سعودی سفیر سے ملاقات کے موقع پر وزیر داخلہ محسن نقوی بھی تھے ۔ملاقات میں دوطرفہ تعلقات کے فروغ، تجارت، معیشت و ثقافت پر تبادلہ خیال کیاگیا۔اس موقع پر گفتگوکرتے ہوئے صدرمملکت نے کہا کہ پاکستان اور سعودی عرب کے تعلقات مشترکہ عقیدے اور باہمی اعتماد پر مبنی ہیں ۔دوطرفہ تعاون کو مزید وسعت دینا دونوں ممالک کے لیے مفید ہے ۔صدرمملکت نے کہا کہ پاکستان اور سعودی عرب عالمی امور پر یکساں مؤقف رکھتے ہیں سعودی سرمایہ کاروں کو پاکستان میں سرمایہ کار دوست ماحول سے فائدہ اٹھانا چاہیے۔ مشکل وقتوں میں سعودی عرب کی معاونت پر شکرگزار ہیں ۔صدر مملکت نے خادمِ حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کے لیے نیک تمناؤں کا پیغام دیا۔