بانی پی ٹی آئی عمران خان سے ملاقات کیلئے 6 وکلا کے نام فائنل، فہرست جیل حکام کو بھجوا دی گئی

راولپنڈی(سنگ میل نیوز) اڈیالہ جیل میں کل وکلا اور فیملی سے ملاقات کا دن، بانی پی ٹی آئی سے ملاقات کے لئے 6 وکلا کے نام فائنل کر لئے گئے۔کوآرڈی نیٹر انتظار پنجوتھا نے فہرست جیل حکام کو بھجوا دی، بیرسٹر گوہر، سلمان اکرم راجہ ملاقاتیوں کی فہرست میں شامل ہیں۔نیاز اللہ نیازی، نعیم حیدر پنجوتھا، ظہیر عباس اور محمد علی بخاری کا نام بھی بانی سے ملاقات کرنے والوں کی فہرست میں شامل ہے۔ بانی پی ٹی آئی کی بہنیں اور کزن بھی ملاقات کے لئے آئیں گے، بشریٰ بی بی کی فیملی بھی ملاقات کے لئے آئے گی۔