ملتان:عوامی راج پارٹی کے سربراہ جمشید احمد دستی کے خلاف جعلی ڈگری کیس کا فیصلہ سنا دیا گیا۔ ڈسٹرکٹ اینڈ سیشن عدالت ملتان نے جمشید دستی کو 7 سال قید کی سزا سنا دی،اُن کے خلاف الیکشن کمیشن نے جعلی ڈگری کا استغاثہ دائر کر رکھا تھا۔الیکشن کمیشن کے استغاثہ میں بتایا گیا کہ جمشید دستی نے 2008 میں مدرسے کی بی اے کی ڈگری پر الیکشن میں حصہ لیا تھا،سند کا ہائر ایجوکیشن کمیشن کے پاس ریکارڈ موجود نہیں۔
استغاثہ میں بتایا گیا کہ ملزم نے آرٹیکل 62 اور 63 کی خلاف ورزی کی،حقیقت چھپانے پر نااہل کیا جانا چاہیے، ملزم نے مظفرگڑھ کے حلقہ این اے 178 سے الیکشن میں حصہ لیا،مدرسوں کی ڈگری کاغذات نامزدگی کے ساتھ لف کی تھیں۔عدالت نے وکلا کے دلائل سننے کے بعد فیصلہ محفوظ کیا بعدازاں 7سال کی قید سنائی گئی۔
سیشن عدالت نے جعلی ڈگری کیس میں جمشید دستی کو 7سال قید سنا دی
Leave a Reply