لندن میں فلسطینی مشن کو سفارتخانے کا درجہ دے دیا گیا

لندن: برطانیہ سمیت متعدد مغربی ممالک کی جانب سے فلسطینی ریاست کو تسلیم کیے جانے کے بعد لندن میں واقع فلسطینی سفارت خانے پر پہلی بار فلسطینی پرچم لہرایا گیا۔غیر ملکی میڈیا کے مطابق برطانیہ میں فلسطینی سفیر حسام زملط نے کہا کہ یہ قدم تاریخی ناانصافیوں کا ازالہ اور آزادی و وقار پر مبنی مستقبل کی جانب پیش رفت ہے۔انہوں نے کہا کہ فلسطین موجود ہے، فلسطین ہمیشہ سے ہے اور ہمیشہ رہے گا، ہم آج یہاں لندن میں فلسطینی مشن کے سامنے ایک تاریخی لمحے کے طور پر جمع ہوئے ہیں۔فلسطینی سفیر نے کہا کہ بالآخر برطانوی حکومت نے فلسطینی ریاست تسلیم کرنےکا قدم اٹھالیا جس کا مدت سے انتظار تھا۔