اسلام آباد: پاکستان نے رواں مالی سال 2025-2026 کی پہلی سہ ماہی میں آئی ایم ایف کو 23 ارب 26 کروڑ 24 لاکھ روپے قرض واپس کیا۔آئی ایم ایف کو سود کی مد میں رواں مالی سال کوئی ادائیگی نہیں کی گئی۔ حکومت نے رواں مالی سال 2025-2026 میں آئی ایم ایف کو قرض واپس کرنے کے لیے 90 ارب 50 کروڑ روپے بجٹ مختص کیا ہے ۔ پاکستان نے آئی ایم ایف کو قرض پر سود کی ادائیگی کے لئے مالی سال 2025-2026 میں 40 ارب 55 کروڑ روپے مختص کیے ۔حکومت نے گزشتہ مالی سال 2024-2025 میں آئی ایم ایف کو قرض واپس کرنے کی مد میں دو کھرب 51 ارب 52 کروڑ 15 لاکھ روپے ادائیگی کی ہے ۔ حکومت نے گزشتہ مالی سال 2024-2025 میں آئی ایم ایف کو سود کی مد میں 67 ارب 86 کروڑ 50 لاکھ روپے ادائیگی کی۔
Leave a Reply