سیلاب:متاثرہ علاقوں میں تین شفٹوں میں تبدریس شروع کرنیکا فیصلہ

ملتان:سیلاب سے متاثر سکولوں میں تین شفٹوں میں تدریسی کام شروع کرنے کافیصلہ کرلیاگیا بتایاگیا ہے کہ صوبہ پنجاب میں تباہ کن سیلاب کے باعث 3 ہزار سے زائد سکول غیر فعال ہو گئے۔جس سے ہزاروں بچوں کا تعلیمی مستقبل داؤ پر لگ گیا صرف ملتان کے 155سے زائد سکول مکمل طور پر بند ہوچکے ہیں ان میں سیلابی پانی کھڑا ہے صوبے میں سیلاب کی وجہ سے محکمہ سکول ایجوکیشن کو بڑے چیلنجز کا سامنا ہے سکولوں میں پہلے ہی سہولیات کی کمی تھی لیکن آفت نے ہزاروں سکول تباہ کر دیئے ، جن میں سے کئی اب بھی پانی میں ڈوبے ہوئے ہیں محکمہ اب ان سکولوں کی بحالی کے چیلنج سے دوچار ہے اور بے گھر طلبہ کی تعلیمی ضروریات پوری کرنے کے لئے فعال سکولوں میں تین شفٹوں کا آغاز کیا جا رہا ہے متاثرہ سکولوں کی بحالی میں تقریباً تین ماہ لگیں گے ، اس دوران حکومت نے منصوبہ بنایا ہے کہ نجی عمارتیں کرائے پر لی جائیں اور متاثرہ علاقوں میں خیمہ سکول قائم کئے جائیں تاکہ تعلیمی سلسلہ جاری رہے۔