تیسری ایشیائی گیمز میں کھلاڑیوں کے سیلف فنانس کی بنیاد پر شرکت پر پابندی

لاہور: حکومت پاکستان نے تیسری ایشیائی گیمز میں کھلاڑیوں کے سیلف فنانس کی بنیاد پر شرکت پر پابندی لگا دی۔پاکستان سپورٹس بورڈ نے نوٹیفکیشن جاری کر دیا، جس کے مطابق کوئی بھی فیڈریشن اپنے اخراجات یا سیلف فنانس کی بنیاد پر کسی کھلاڑی کو گیمز میں شرکت کے لئے نہیں بھیج سکتا۔تیسری ایشیائی گیمز میں شرکت کے لئے وزارت خارجہ کی این اوسی لازمی ہے، وزارت خارجہ نے 53 کھلاڑیوں اور آفیشلز کے لئے این اوسی جاری کی ہے۔نوٹیفکیشن کے مطابق صرف وزارت خارجہ سے اجازت والے کھلاڑی اور ایتھلیٹس گیمز میں شرکت کے اہل ہیں۔بغیر این او سی گیمز میں شرکت کے لئے بحرین جانے والوں کو ایف آئی اے کی کارروائی کا سامنا کرنا پڑے گا، بغیر اجازت جانے والے پاکستان کا نام اور قومی پرچم استعمال نہیں کرسکتے۔