چمن بارڈر پر بابِ دوستی مکمل سلامت: افغان طالبان کے دعوے بے نقاب

راولپنڈی : چمن بارڈر پر بابِ دوستی مکمل سلامت ہے، افغان طالبان کے جھوٹے دعوے بے نقاب ہوگئے۔سکیورٹی ذرائع کے مطابق آئی جی ایف سی (نارتھ) نے چمن سیکٹر کے اگلے مورچوں کا دورہ کیا، دورے کا مقصد موجودہ آپریشنل حالات کا جائزہ لینا اور ٹروپس کو شاباش دینا تھا، تصویر میں دیکھا جا سکتا ہے کہ باب دوستی پاکستان کی جانب اپنی مکمل اصل حالت میں موجود ہے۔ذرائع نے بتایا کہ گزشتہ روز افغان طالبان رجیم کے سرکاری ترجمان نے باب دوستی کو تباہ کرنے کا جھوٹا دعویٰ کیا تھا، درحقیقت افغانستان کی جانب کا گیٹ افغان طالبان نے خود بارودی مواد کے ذریعہ تباہ کرکے ڈرامہ رچایا۔سکیورٹی ذرائع کا کہنا تھا کہ افغان طالبان مذہب کا لبادہ اوڑھ کر جھوٹے پروپیگنڈا کے ذریعے منافرت پھیلا رہے ہیں، ایسی خبروں پر کان نہیں دھرنا چاہیے۔