نووا کیئر نے لاہور میڈیکل پراجیکٹ بارے آن لائن افواہوں کی تردید کر دی

اسلام آباد: نووا کیئر نے لاہور میڈیکل پراجیکٹ بارے آن لائن افواہوں کی تردید کر دی۔نووا کیئر نے حالیہ میڈیا رپورٹس اور سوشل میڈیا کے دعوؤں کے بارے میں ایک واضح بیان جاری کیا ہے جس میں سی بی ڈی این ایس آئی ٹی میں اس کے لاہور پروجیکٹ کو غلط طریقے سے پیش کیا گیا ہے۔صحت کی دیکھ بھال کرنے والی تنظیم نے تصدیق کی کہ یہ منصوبہ امپیریل کالج ہیلتھ کیئر NHS ٹرسٹ کے ساتھ شراکت میں ہے جو کہ برطانیہ کے نیشنل ہیلتھ سروس کا ادارہ ہے، نہ کہ امپیریل کالج لندن کے ساتھ۔18 اکتوبر کو مسلم لیگ (ن) نے وزیر اعلیٰ پنجاب مریم نواز کے حوالے سے سماجی رابطے کی سائٹ ایکس پر اپنے پیغام میں دعویٰ کیا تھا کہ امپیریل کالج لندن لاہور میں ایک کیمپس کھولے گا، جس میں 300 بستروں کا ہسپتال بھی شامل ہے جس کا سنگ بنیاد نومبر میں رکھا جائے گا۔اسی طرح کے بیانات سینئر وزیر مریم اورنگزیب اور پنجاب حکومت کے آفیشل ایکس اکاؤنٹ سے بھی جاری کئے گئے جن کو بعد میں ڈیلیٹ کر دیا گیا، امپیریل کالج لندن نے واضح طور پر ان رپورٹس کی تردید کرتے ہوئے کہا کہ اس کے تمام کیمپس برطانیہ میں ہی ہیں۔