سٹاک مارکیٹ میں شدید مندی:کاروبار کے اختتام پر انڈیکس میں 1703 پوائنٹس کی کمی

کراچی :پاکستان سٹاک ایکسچینج (پی ایس ایکس) میں کاروباری ہفتے کے تیسرے روز ملا جلا رجحان شدید مندی میں تبدیل ہوگیا۔کاروبار کے اختتام پر بازار حصص کے 100 انڈیکس میں 1703 پوائنٹس کی کمی ریکارڈ کی گئی، جس کے بعد 100 انڈیکس ایک لاکھ 59 ہزار 578 پر بند ہوا۔آج کاروبار کے دوران 100 انڈیکس ایک لاکھ 59 ہزار 216 کی نچلی سطح تک بھی آیا جبکہ ایک لاکھ 62 ہزار 52 کی بلندی تک بھی گیا۔واضح رہے کہ گزشتہ روز کاروبار کے اختتام پر 100 انڈیکس ایک لاکھ 61 ہزار 281 پوائنٹس پر بند ہوا تھا۔