ٹیسٹ میں پہلی بار انڈیا کو 400 سے زائد رنز سے شکست

گوہاٹی:جنوبی افریقا نے بھارت کو گوہاٹی ٹیسٹ میں 408 رنز سے شکست دے کر دو ٹیسٹ میچز کی سیریز کلین سویپ کرلی ۔پروٹیز ٹیم نے بھارتی غرور خاک میں ملاتے ہوئے اس کو اس کی سرزمین پر 25 سال بعد وائٹ واش کر دیا۔جنوبی افریقا کے باؤلر زکی عمدہ باؤلنگ کے باعث گوہاٹی میں کھیلے گئے دوسرے اور آخری ٹیسٹ میچ میں پانچویں روز میزبان بھارتی ٹیم 549 رنز کے ہدف کے تعاقب میں صرف 140 رنز پر ڈھیر ہوگئی۔بھارتی بلے باز جنوبی افریقی سپنرز کے آگے بے بس دکھائی دئیے ۔ یہ بھارت کی ٹیسٹ کرکٹ میں رنز کے اعتبار سے سب سے بڑی شکست ہے ۔جنوبی افریقا کے مارکو جینسن کوآل راؤنڈ کارکردگی پر میچ جبکہ سائمن ہارمرسیریز کے بہترین کھلاڑی قرار پائے ۔ واضح رہے کہ جنوبی افریقا نے اپنی دوسری اننگز 260 رنز 5 کھلاڑی آؤٹ پر ڈکلیئر کرکے بھارت کو جیت کے لیے 549 رنز کا ہدف دیا تھا۔ اس سے قبل 2000 میں بھارتی سرزمین پر جنوبی افریقا ٹیسٹ سیریز جیتا تھا ۔باووما ٹیسٹ کرکٹ کی تاریخ میں بغیر کوئی میچ ہارے سب سے زیادہ فتوحات حاصل کرنے والے کپتان بن گئے ہیں۔انہوں نے بطور کپتان 12 ٹیسٹ میچوں میں 11 فتوحات حاصل کیں جبکہ ایک میچ ڈرا رہا۔