پاکستان نے زمبابوے کو ہرا کرسہ ملکی انڈر 19 سیریز جیت لی پاکستان نے 158رنز کا ہدف 16.2اوورز میں 1 وکٹ پر حاصل کر لیا سمیر منہاس نے یوتھ ون ڈے کی تیز ترین سنچری کا نیا ریکارڈ قائم کر دیا

اسلام آباد:پاکستان انڈر 19 کرکٹ ٹیم نے زمبابوے کو شکست دے کر تین ملکی سیریز جیت لی،فائنل میں پاکستان نے زمبابوے کو 9 وکٹوں سے شکست دی۔پاکستان نے 158 رنز کا ہدف 16.2 اوورز میں ایک وکٹ کے نقصان پر حاصل کر لیا۔سمیر منہاس کی شاندار سنچری، 114 رنز کی میچ وننگ اننگز کھیلی۔ سمیر منہاس نے یوتھ ون ڈے کی تیز ترین سنچری کا نیا ریکارڈ قائم کر دیا، سمیرنے 42 گیندوں پر سنچری بنا کر بھارتی کھلاڑی کا ریکارڈ توڑ دیا۔اس سے قبل یہ ریکارڈ بھارت کے ویبھو سوریاونشی کے پاس تھا جنہوں نے گزشتہ سال جولائی میں انگلینڈ کے خلاف 52 گیندوں پر سنچری بنائی تھی۔محمد شایان 38 رنز بنا کر ناٹ آؤٹ رہے ۔ زمبابوے انڈر 19 ٹیم 44.4 اوورز میں 158 رنز پر آؤٹ ہوگئی۔ مائیکل بلگناٹ 60 رنز کے ساتھ زمبابوے کے ٹاپ سکورر رہے ۔پاکستان کی جانب سے عمر زیب نے 4 وکٹیں حاصل کیں، پلیئر آف دی فائنل میچ کا اعزاز عمر زیب کے نام رہا۔سمیر منہاس نے ٹورنامنٹ کے بہترین کھلاڑی کا اعزاز حاصل کیا۔