این پی اے سی اراکین کی ترجمان پاک فوج سے ملاقات، اتحادِ امت کا پیغام پھیلانے کا اعلان

راولپنڈی :پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چودھری سے قومی پیغام امن کمیٹی نے جنرل ہیڈکوارٹر (جی ایچ کیو) میں ملاقات کی۔ترجمان پاک فوج کے مطابق فتنہ الخوارج کالعدم ٹی ٹی پی اور ٹی ٹی اےکےتناظرمیں داخلی سلامتی پرجامع گفتگو ہوئی اور مشترکہ مؤقف مزید مضبوط ہوا جب کہ ملاقات میں کشمیر اور غزہ پر اصولی مؤقف کی توثیق کی گئی۔انہوں نے کہا کہ قومی سلامتی کے امور میں یکسوئی، بیانیے پراتفاقِ رائے وقت کی ضرورت ہے اور مظلوموں کی حمایت پاکستان کی اخلاقی ذمہ داری ہے۔ملاقات میں قومی بیانیے کے فروغ کیلئے مکمل تعاون کی یقین دہانی کرائی اور پاک افواج سےغیرمتزلزل یکجہتی اور ریاست دشمن بیانیوں کےخلاف مشترکہ عزم کا اظہار کیا گیا،این پی اے سی ارکین کا کہنا تھا فتنہ الخوارج اورافغان طالبان کی مذمت کرتے ہیں یہاں دہشتگردی کا کوئی جوازنہیں۔این پی اے سی اراکین نے منبر ومحراب سے اتحادِ امت، سماجی ہم آہنگی، آئینی برابری کا پیغام ملک گیرسطح پرپھیلانے کا اعلان کیا جبکہ نفرت انگیزی، فرقہ واریت اور تکفیری بیانیےکےخلاف زیروٹالرنس پالیسی اپنانے پر بھی اتفاق کیا۔دورانِ ملاقات این پی اے سی نے ریاستی بیانیےکی ترویج کیلئے مساجد، مدارس اور جامعات میں آگاہی نشستیں بڑھانےکی تجویز دی، ڈی جی آئی ایس پی آر کا دشمن کی نفسیاتی جنگ کے مقابلے کیلئے عوامی شعور،سچائی پرمبنی بیانیہ فیصلہ کن ہتھیارہے۔ملاقات کو غیرمعمولی طورپرمفید قرار دیتے ہوئے اعتماد، عملی تعاون کے نئے راستوں پرپیشرفت کی توقع ظاہرکی گئی۔