ٹینس اسٹار ثانیہ مرزا کو ویمن ٹیم کا ’’مینٹور‘‘ بنادیا گیا

پاکستان سپر لیگ (پی ایس ایل) کے آٹھویں ایڈیشن میں کراچی کنگز کی نمائندگی کرنے والے پاکستانی آل راؤنڈر شعیب ملک کی اہلیہ ثانیہ مرزا کو بھی کرکٹ کے میدان میں نئی جاب مل گئی۔

بھارتی میڈیا کی رپورٹس کے مطابق انڈین پریمئیر لیگ (آئی پی ایل) کی فرنچائز رائل چیلنجرز بنگلور نے سابق ٹینس اسٹار ثانیہ مرزا کو ویمن پرئمیر لیگ 2023 کیلئے ٹیم کا مینٹور مقرر کردیا۔

6 گرینڈ سلیم ٹائٹل اور 43 ڈبلیو ٹی اے ٹائٹل جیتنے والی ثانیہ مرزا کی بطور مینٹور تقرری پررائل چیلنجرز بنگلور کے سربراہ اور نائب صدر راجیش وی مینن انکا خیرمقدم کرتے ہوئے کہا کہ اپنے کھیل کے کیریئر میں بہت سے چیلنجوں کے باوجود کامیابی سمیٹنا کسی اعزاز سے کم نہیں، ہمیں خوشی ہے کہ وہ ہمارے ساتھ منسلک ہوئیں۔