عمران خان کی زمان پارک کے باہر کارکنوں کے ساتھ افطار کی ویڈیو سامنے آگئی

لاہور: پاکستان تحریک انصاف کے چیئرمین عمران خان نے زمان پارک کے باہر حفاظت کیلیے موجود کارکنوں اور رضاکاروں کے ساتھ افطار کیا۔

پاکستان تحریک انصاف کے چیئرمین افطار سے کچھ دیر قبل اچانک کارکنوں کے درمیان پہنچے جس پر انہیں دیکھ کر نوجوان اور خواتین مزید پُرجوش ہوگئے۔

عمران خان نے کارکنوں کے ساتھ زمین پر بیٹھ کر افطار کیا اور پھر اُن سے مختصر خطاب بھی کیا۔ چیئرمین پی ٹی آئی نے زمان پارک کے باہر موجود کارکنوں کی حوصلہ افزائی کرتے ہوئے اُن کے جذبے کی تعریف کی۔