آئی پی ایل میں انجری، کین ولیمسن بیساکھی پر آ گئے

آکلینڈ: آئی پی ایل میں انجری کے بعد کین ولیمسن بیساکھیوں کے سہارے وطن واپس پہنچ گئے۔

آئی پی ایل میں میچ کے دوران انجری کے باعث باہر ہونے والے کین ولیمسن بیساکھیوں کے سہارے وطن واپس پہنچ گئے، گزشتہ روز وہ آکلینڈ پہنچے، ان کے گھٹنے پر پٹیاں لپٹی ہوئی تھیں جبکہ وہ بیساکھی کے سہارے باہر آئے۔

اس موقع پر 32 سالہ کرکٹر نے کہا کہ میرے گھٹنے میں زیادہ درد نہیں ہورہا مگر انجری کی نوعیت کا علم اسکین کے بعد ہی ہوگا، جس کے بعد اسپیشلسٹ سے معائنہ کراؤں گا۔