پشاور: ریلویز پولیس پشاور ڈویژن نے مردان کے پاس سے ریلوے لائن چوری کرکے لے جاتے ہوئے تین ملزمان گرفتار کر لیے۔
ملزمان نے 2 عدد ریلوے پٹڑیوں کو گیس سلنڈر کٹر کے ذریعے کاٹا جبکہ ریلوے لائن تبدیل کرنے کے لیے ٹریک کے پاس رکھی گئی تھی۔ ڈیڑھ لاکھ مالیت کی دو عدد 84 فٹ ریلوے لائن برآمد کرلی گئیں۔
تینوں ملزمان کو ان مینڈ پھاٹک رشکئی کے پاس سے ریلوے عملے کی اطلاع پر رنگے ہاتھوں پکڑا گیا۔ ملزمان آصف نواز، لقمان خان اور فلک نیاز گیس کٹنگ کٹ، سلنڈر اور چوری شدہ پٹڑیوں سمیت گرفتار کیے گئے۔
ملزمان کے خلاف PWI ریلوے کی مدعیت میں تھانہ ریلویز پولیس مردان میں مقدمہ درج کر لیا گیا۔
Leave a Reply