ممبئی: بھارتی گلوکار شان مکھرجی کو ہندو انتہا پسندوں نے عید کی مبارکباد دینے پر تنقید کا نشانہ بنا دیا۔
گلوکار شان نے سوشل میڈیا پر ویڈیو جاری کرتے ہوئے بتایا ہے کہ انہوں نے عید کے تہوار کی مناسبت سے اپنی ایک پُرانی قوالی کی شوٹنگ کے دوران بنائی ہوئی ٹوپی والی تصویر شیئر کرتے ہوئے مسلمانوں کو عید کی مبارکباد پیش کی تھی۔
شان کا کہنا تھا کہ انہیں اس تصویر پر ہندو انتہا پسندوں کی جانب سے سوشل میڈیا پر بےحد ٹرول کیا گیا اور انہیں شدید تنقید کا سامنا کرنا پڑا یہاں تک کہ انہیں دھمکی آمیز تبصرے بھی دیکھنے کو ملے۔
شان نے اپنے ویڈیو پیغام میں منفی سوچ رکھنے والے بھارتیوں کو پُرانی سوچ بدل کر تمام مذاہب کا احترام کرنے کی تلقین کی ہے۔
دوسری جانب پاکستانی اداکارہ انوشے اشرف نے بھی شان کے ساتھ ہمدردی کا اظہار کرتے ہوئے کہا ہے کہ انہیں بھی کسی عیسائی کو کرسمس کی مبارکباد دینے پر اس ہی رویے کا سامنا کرنا پڑتا ہے۔
Leave a Reply