یوم مئی پر ریلیاں، محنت کشوں کا تنخواہوں میں اضافے کا مطالبہ

کراچی / لاہور / اسلام آباد: پاکستان سمیت دنیا بھر میں مزدوروں کا عالمی دن پیر کو منایا گیا جب کہ ملک بھر میں عام تعطیل تھی۔

مزدور تنظیموں کی جانب سے مزدوروں کے عالمی دن کے موقع پر جلسے منعقد کیے گئے اور ریلیاں نکالی گئیں جس میں محنت کشوں نے مہنگائی میں کمی اور تنخواہوں میں اضافے کا مطالبہ کیا۔

صدر عارف علوی نے اپنے پیغام میں کہا ہے لیبر فورس ہماری معیشت میں ریڑھ کی ہڈی کی حیثیت رکھتی ہے، ان کے حقوق کے تحفظ کے لیے اقدامات کرنا انتہائی ضروری ہے۔