سویڈن واقعہ، وکلا کا جمعے کو ملک گیر ہڑتال اور سپریم کورٹ کے باہر قرآن مجید کی تلاوت کا اعلان

اسلام آباد: سویڈن میں قرآن مجید کی بے حرمتی کے واقعے پر سپریم کورٹ بار ایسوسی ایشن نے جمعے کو ملک گیر ہڑتال کا اعلان کردیا۔

سپریم کورٹ بار ایسوسی ایشن کی جانب سے جاری اعلامیے کے مطابق قرآن پاک کی بے حرمتی پر سپریم بار ایسوسی ایشن کا جمعہ کو ملک گیر ہڑتال ہوگی، جس کے دوران عدالتی کارروائی کا بائیکاٹ کیا جائے گا۔

سپریم کورٹ بار نے اعلامیے میں کہا کہ سویڈن میں قرآن پاک کی بے حرمتی کے واقعے کی شدید مذمت کرتے ہیں۔

ایسوسی ایشن کے مطابق جمعے کو صبح گیارہ بجے سپریم کورٹ کے کے مرکزی گیٹ پر بار ممبرز کی جانب سے قرآن مجید کی تلاوت کی جائے گی۔