مظلوم فلسطینیوں کی حمایت کیلئے میا خلیفہ بھی میدان میں آگئیں

نیویارک: فلسطینیوں پر اسرائیلی فوج کی جارحیت کی جس طرح پوری دنیا میں مذمت کی جارہی ہے وہیں سابقہ ایڈلٹ اسٹار میا خلیفہ نے بھی مظلوم فلسطینیوں کی مکمل حمایت کا اعلان کیا ہے۔

میا خلیفہ نے سماجی رابطے کی ویب سائٹ ایکس (سابقہ ٹویٹر) پر لکھا کہ اگر فلسطینیوں کی حالت کو دیکھ کر لوگ ان کی حمایت نہ کریں تو تاریخ بتائے گی کہ وہ لوگ غلط سمت میں کھڑے تھے۔

ایک پاکستانی صارف نے جب ان کی پوسٹ پر یہ کمنٹ کیا کہ وہ پاکستانی نوبیل انعام یافتہ ملالہ یوسفزئی سے زیادہ واضح انداز میں فلسطینی عوام کی حمایت کررہی ہیں تو میا خلیفہ کو یہ موازنہ پسند نہیں آیا۔

انہوں نے جواب میں لکھا کہ وہ صارف کی بات سے متفق نہیں ہیں اور لوگوں کو دوسروں کے جذبات اور صدمات کے متعلق لفاظی نہیں کرنی چاہئے۔

میا خلیفہ نے لکھا کو ملالہ یوسفزئی کو اپنے جذبات کے اظہار کیلئے وقت دینا چاہئے، وہ بہت سے لوگوں کیلئے رہنما اور انسپریشن ہیں۔

واضح رہے کہ اسرائیلی فوج کے فضائی حملوں سے غزہ میں اب تک 500 سے زائد فلسطینی شہید اور ہزاروں زخمی ہوگئے ہیں جبکہ حماس سے جھڑپوں میں 700 اسرائیلی ہلاک ہوئے ہیں۔