باجوڑ: خیبرپختونخوا کے ضلع باجوڑ کی تحصیل ماموند کے علاقے ڈمہ ڈولہ خزانہ میں ہونے والے بم دھماکے میں انصار الاسلام کے سابق امیر مولانا عبد السلام کے والد ستار خان جاں بحق جبکہ تین افراد زخمی ہوگئے۔
پولیس حکام کے مطابق عبدالسلام کے والد ساتھی کی نماز جنازہ میں شرکت کے بعد واپس جارہے تھے کہ اس دوران اُن کو نشانہ بنایا گیا۔
ڈی ایس پی ستار خان کے مطابق ستار خان کو کچھ عرصے قبل بھی گھات لگا کر قتل کرنے کیلیے اُن پر فائرنگ کی گئی تھی جس میں وہ خوش قسمتی سے محفوظ رہے۔
پولیس نے بتایا کہ دھماکے میں ستار خان کے تین ساتھی نیاز، ابراہیم اور مندرو حاجی زخمی ہوئے جنہیں طبی امداد کیلیے ہیڈ کوارٹرز خار کے اسپتال منتقل کردیا گیا ہے۔
Leave a Reply