پی ٹی ایم پر پابندی پر غور کررہے ہیں، بلوچستان حکومت

کوئٹہ: نگراں وزیر اطلاعات بلوچستان جان اچکزئی نے کہا ہے کہ منظور پشتین کو گرفتار کر کے صوبہ بدر کردیا گیا ہے، حکومت پشتون تحفظ موومنٹ (پی ٹی ایم) پر پابندی عائد کرنے پر غور کررہی ہے۔

میڈیا سے گفتگو میں نگراں وزیر اطلاعات نے کہا کہ منظور پشتین کو گزشتہ روز چمن سے گرفتار کر کے صوبہ بدر کیا گیا اور انہیں ڈیرہ غازی خان کی پولیس کے حوالے کردیا۔

جان اچکزئی نے بتایا کہ منظور پشتین پابندی کے باوجود صوبے میں داخل ہوئے اور چمن میں جاری دھرنے سے بار بار خطاب بھی کررہے تھے۔