اگر پاک بھارت سرحدیں نہ ہوتیں تو ہمارے اداکار وہاں ٹاپ پر ہوتے: بشریٰ انصاری

پاکستان کی سینئر اداکارہ بشریٰ انصاری نے بھارت میں پاکستانی اداکاروں کی مقبولیت پر ساتھی اداکاروں کی تعریفوں کے پل باندھ دیےبشریٰ انصاری سوشل میڈیا ویب سائٹ پر اپنے اکاؤنٹ سے ویڈیوز شیئر کرتی رہتی ہیں جس میں وہ کبھی اپنے فینز کو نصیحت تو کبھی معاشرے میں ہونے والے تازہ واقعات پر گفتگو کرتی ہیں اداکارہ کا حال ہی میں ایک ڈرامہ مشہور ہوا جس کی مقبولیت کے چرچے سرحد پار بھی ہوئے
ڈرامے میں بشریٰ انصاری، جاوید شیخ کے ساتھ ساتھ فہد مصطفیٰ، ہانیہ عامر نے اپنی اداکاری سے لوگوں کے دل جیتے حالیہ ویڈیو میں بشریٰ انصاری نے ڈرامے کی مقبولیت پر بات کرتے ہوئے کہا کہ سرحد پار بھی پاکستانی ڈراموں کو سراہا جارہا ہے، ہمارے اداکار وہاں ہٹ ہوچکے ہیں سینئر اداکارہ نے کہا کہ میں یہ سوچتی ہوں اگر یہ سرحدیں نہ ہوتیں اور انڈیا پاکستان کے جھگڑے نہ ہوتے تو ہمارے اداکار وہاں ٹاپ پر ہوتے