افغانستان میں پاکستانی فضائی حملے میں سویلینز کی ہلاکت کی تحقیقات کا مطالبہ، یوناما کا بیان

افغانستان میں اقوام متحدہ کے مشن یوناما نے افغان صوبے پکتیکا میں پاکستانی فوج کے فضائی حملے میں سویلینز کی ہلاکت کی اطلاعات پر تحقیقات کا مطالبہ کیا ہے۔ یوناما نے اپنے بیان میں کہا کہ بین الاقوامی قانون کے تحت شہریوں کی حفاظت سکیورٹی فورسز کی ذمہ داری ہے اور اس حوالے سے کارروائیوں کی تحقیقات کی جانی چاہئیں۔ دوسری جانب افغان نائب وزیراعظم مولوی عبدالکبیر نے کابل یونیورسٹی میں خطاب کرتے ہوئے کہا کہ امارت اسلامیہ افغانستان کسی بھی مسلح گروپ کو افغان سرزمین پر کارروائی کرنے کی اجازت نہیں دیتی۔ انہوں نے مزید کہا کہ بے بنیاد الزامات دو طرفہ تعلقات کو نقصان پہنچاتے ہیں۔